خبرونه

محمد حنیف اتمر له راس ویلسون سره د استانبول پر غونډې خبرې کړې

د افغانستان د بهرنیو چارو وزیر محمد حنیف اتمر په کابل کې د امریکا سفارت له شارژدا فیر راس ویلسون سره لیدلي او له نوموړي سره یې د افغان سولې په تړاو خبرې کړې دي.

د بهرنیو چارو وزارت څخه په خپره شوې خبرپاڼه کې راغلي دي چې د اتمر له راس ویلسون سره د د سولې لپاره د سیمه ییزې او نړیوالې اجماع د پیاوړتیا،د  افغانستان پر لاسته راوړنو او د اسیا زړه کنفرانس په پایلو خبرې کړې دي.

خبر پاڼه زیاتوي چې دواړو لوریو همدارنګه د سولې په تړاو وروستي بدلونونه او پرمختګونه واورزول او همدارنګه د ترکیې غونډې د چمتوالي، نېټې، اجنډا او د پلاوو ترکیپ په تړاو غږېدلي دي.

راس ویلسون همدارنګه په خپلو خبرو کې دافغان سولې په تړاو د خپل هېواد د مرستې او له افغانستان سره دوامداره همکاریو ژمنه بیا تازه کړه.

دا په داسې حال کې چې یو شمېر باوري سرچینو خبر ورکړی دی چې ټاکل شوې ده د اپریل میاشتې پر ۱۶مې نیټې د ترکیې ناسته ترسره شي، چې یاده ناسته به لس ورځې دوام وکړي.

ورته لیکنی

Back to top button
Close
Close