خبرونه

د ناټو ملکي استازی له حمدالله محب سره په خبرې کړي

په افغانستان کې د ناټو ملکي استازی وايي، د افغانستان د ملي امنیت له سلاکار حمدالله محب سره په خبرو کې یې د سولې د بهیر او په دې هېواد کې د امنیتي وضعیت په اړه بحث وکړ.

ستیفانو پونتې کوروو پر ټویټر په یوه بیان کې چې پرون ماښام خپور شو ویلي، ناټو په افغانستان کې د جګړې د ختمولو لپاره له طالبانو سره د افغان دولت د سولې د خبرو ملاتړ کوي.

هغه وروستیو هدفي وژنو ته د اشارې په ترڅ کې ويلي، چې دا حملې هېڅ راز توجیه نه لري او ګټه یې هېچا ته نه رسېږي.

د ناټو ملکي استازی په داسې حال کې په افغانستان کې هدفي وژنو ته اشاره کوي، چې په قطر کې د سولې د مستقیمو خبرو له پیلېدو سره سره په وروستیو څه باندې دوو میاشتو کې د دې حملو په شمېر کې زیاتوالی راغلی او په دې ترڅ کې ډېر خبریالان، مدني فعالان او دولتي چارواکي وژل سوي

ورته لیکنی

Back to top button
Close
Close