خبرونه

ټاکل سوې چې سبا د سویس په جینوا کې د افغانستان په اړه دوه ورځنۍ ستر مرستندویه کنفرانس جوړ سي

په دغه کنفرانس کې به د نړی د شاوخوا اویا هېوادونو او نړیوالو مرستندویه سازمانونو شاوخوا اویا وزیران او استازي د کرونا د خپرې سوې وبا له امله تر ډېره په انلاین بڼه ګډون وکړي.

د افغانستان د بهرنیو چارو او ماليې وزیرانو حنیف اتمر او عبدالهادي ارغندیوال په دې کنفرانس کې د ګډون لپاره پرون له کابله حرکت کړی.

د رویترز آژانس د راپورله مخې تمه کېږي، چې نړیوال به د افغانستان له حکومت سره د راتلونکو څلورو کلونو په مخه د میلیارډونو ډالرو نوې مرستې ژمنې وکړي.

له افغانستان سره دغه نړیوال مرستندونه کنفرانس داسې مهال جوړېږي، چې د طالبانو او افغان دولت ترمنځ د سولې خبرې په ټپه درېدلې ښکاري او د امریکا ولسمشر ډونالډ ټرمپ هم غواړي خپل زیات سرتېري د را روان کال د جنوري تر نیمایي له دې هېواده وباسي.

تر دې مخکې په ۲۰۱۶ کال کې نړیوالو د بروکسل په کنفرانس کې له افغانستان سره تر۲۰۲۰ کال پورې د ۱۵،۲ ميلیارډ ډالرو مرستې ژمنې کړې وې

ورته لیکنی

Back to top button
Close
Close